ಲುಸಿಲ್ ಕ್ಲಿಫ್ಟನ್ ಬರೆದ 'Homage to my hips' ಕವನದ ಭಾವಾನುವಾದ
ಕವಿಯ ಓದು ಇಲ್ಲಿದೆ.
ಈ ಜಘನ ಘನ ಜಘನ
ಗಜಗಮನಕೆ
ಬೇಕು ಅವಕಾಶ.
ಸಾಲುವುದಿಲ್ಲ ಸಣ್ಣ
ಪುಟ್ಟ ಜಾಗಗಳು. ಈ ಜಘನ
ಸರ್ವತಂತ್ರ ಸ್ವತಂತ್ರ.
ಇಷ್ಟವಾಗುವುದಿಲ್ಲ ತಡೆದರೆ ಯಾರೂ.
ಈ ಜಘನವನ್ನು ಕಟ್ಟಿ ಹಾಕಲಾರರು ಯಾರೂ,
ಹೋಗುತ್ತದೆ ಹೋಗಬೇಕೆಂದ ಕಡೆ
ಮಾಡುತ್ತದೆ ತನಗನಿಸಿದ್ದನ್ನು.
ಈ ಜಘನ ಪ್ರಬಲ ಜಘನ.
ಈ ಜಘನ ಮಾಯಾ ಜಘನ.
ಗೊತ್ತು ನನಗೆ, ಈ ಜಘನ
ಸಿಕ್ಕಿಸಿ ಗಂಡಸನ್ನು ಮಾಯಾಜಾಲದಲ್ಲಿ
ತಿರುಗಿಸುತ್ತದೆ ಅವನ ಬುಗುರಿಯಂತೆ.
