ಕಿವಿಯ ಬಳಿ ಉಸುರುತ್ತ ಉಸಿರ ಬಿಸಿಯ
ತುಂಬುಖಂಡದ ತೋಳು ಬಿಗಿ ಬಾಹುಬಂಧ
ಮೊರದಗಲದೆದೆಯೊಳಗೆ ಹುದುಗಿ ದೇಹ
ಅಧರವರಳಿದ ಘಳಿಗೆ ಹಾಲ್ಜೇನ ಒಸಗೆ
ಬಿಸಿಬೆವರ ಬೆದರಿನಲಿ ಮಿಲನ ಮೋಹ
ಧಮನಿಧಮನಿಗಳಲ್ಲಿ ದಾಹ ಧಗಧಗಿಸಿ
ನರನಾಡಿ ಕುಣಿಕುಣಿದು ಪುಟಿವ ಹರೆಯ
ರೋಮರೋಮಗಳಲ್ಲಿ ಸುಖದ ಚಿಗುರೊಡೆಯೆ
ಉನ್ಮತ್ತದಾಳದಲಿ ಜೀವದುದಯ
(ಇದು `ಅನಿವಾಸಿ, ಯು.ಕೆ`ಯ ಧ್ವನಿಸುರಳಿಗಾಗಿ ಬರೆದ ಕವನ)
ರಾಗ ಸಂಯೋಜನೆ: ಪ್ರವೀಣ್ ಕುಮಾರ್ ಡಿ
ವಾದ್ಯ ಸಂಯೋಜನೆ: ಮಾರುತಿ ಮಿರಸ್ಕರ್
ಹಾಡುಗಾರಿಕೆ: ಅಮಿತಾ ರವಿಕಿರಣ್