ಹಕ್ಕಿಯೊಂದು ರೆಕ್ಕೆಬಲಿತು
ಗೂಡು ಬಿಟ್ಟಿತು ಹಾರಿ
ಯೋಚಿಸುತ್ತ ಮುಂದೆ ಒಮ್ಮೆ
ಮರಳಿ ಬರುವೆನು ದಾರಿ |ಪ।
ಹುಲ್ಲು ಕಡ್ಡಿ ಗರಿಕೆ ಹೆಕ್ಕಿ
ಪುಟ್ಟ ಮನೆಗಾಗಿ
ಆದ್ರೆ ಕಾಲನ ಗಾಳಿ ಮಳೆಗೆ
ಚೂರು ಚೂರಾಗಿ
ಮನೆಯು ಮುರಿದು ಹಾಳಾಗಿ
ಎಲ್ಲ ಬರಿದು ಬರಿದಾಗಿ।ಅ.ಪ।
ದಾರಿಹೂಕನೇ ತಾಳಿಕೋ
ಬರುವುದಿಲ್ಲೇ ಬೆಳಕೋ
ಎಲ್ಲಿ ಓಟ ಯಾಕೆ ಓಟ
ದೂರ ದೂರ ನೀ ಹೋಗುವೆ
ಮರಳಿ ಬರುವುದು ಸಾಧ್ಯವೇ
ಎಲ್ಲಿ ಓಟ ಯಾಕೆ ಓಟ
ಹಕ್ಕಿಗೆಂದೂ ಬೇರೆ ನೆಲದಲಿ
ಪ್ರೀತಿ ಮೂಡಿತ್ತಾ?
ಹಳ್ಳಿಯಾ ಹಳೆ ಆಲ್ದಮರದ
ನೆನಪು ಕಾಡಿತ್ತ ।೧।
ಈ ಕಣ್ಣೀರಿನ ಧಾರೆಯು
ಸುರಿಯುತಿಹುದು ಕ್ಷಣ ಕ್ಷಣ
ನಿನ್ನ ಮುಂದೆ ಕಣ್ಣ ಮುಂದೆ
ಬಾಳಿನಾ ಪ್ರತಿ ತಿರುವಲು
ಬೆಳಗು ಕಾದಿದೆ ಕಾಣಣ್ಣ
ಎಲ್ಲಿ ಓಟ ಯಾಕೆ ಓಟ
ಕಣ್ಣೀರಿನೊಡನೆ ಜಗಳವಾಡಿ
ಹಕ್ಕಿ ಮಲಗಿತ್ತ
ಚಂದದೊಂದು ಗೂಡುಕಟ್ಟಿದ
ಕನಸು ಕಂಡಿತ್ತ!೨!
(‘ಇಕ ಚಿರಯ್ಯಾ‘ ಎನ್ನುವ ಸಿನೆಮಾ ಹಾಡಿನ ಅನುವಾದ, ಅದೇ ಢಾಟಿಯಲ್ಲಿ)
