ಕಪ್ಪುರಂಧ್ರಗಳು

ನಿನ್ನ ಹಿಂದೆ ದೃಷ್ಟಿನೆಟ್ಟು ಕೂತಿದ್ದೇನೆ 

ನಿನ್ನ ತಲೆಯ ಸುಳಿ ಸೇರುವಲ್ಲಿ 

ಕೇಂದ್ರದ ಸುತ್ತ ನೆರೆದ 

ತಾರೆಗಳ ಗುಚ್ಛದಂತಿರುವ 

ನಿನ್ನ ದಟ್ಟ ಕೂದಲು 

ಶೂನ್ಯದಿಂದ ಅನಂತದೆಡೆಗೆ 

ಅನಂತದಿಂದ ಅನಂತದಾಚೆಗೆ 

ಈ ಬ್ರಹ್ಮಾಂಡದಲ್ಲಿಅಸಂಖ್ಯಾತ 

ಆಕಾಶಗಂಗೆಗಳಿವೆಯಂತೆ, ಆದರೆ 

ಕಪ್ಪುರಂಧ್ರಗಳಂತಿರುವ ನಿನ್ನ ಕಣ್ಣುಗಳಿಗೆ ನಾನು 

ಕಾಣಿಸುವುದು ಸಾಧ್ಯವೇ ಇಲ್ಲ ಬಿಡು, ಏಕೆಂದರೆ 

ನೀನು ಈ ಕವನವನ್ನೋದುವುದಿಲ್ಲ, ಓದಿದರೂ 

ನಿನ್ನನ್ನು ನೋಡಿ ಬರೆದಿರಬಹುದೆಂದು ನಿನಗೆ 

ಗೊತ್ತಾಗುವುದು ಸಾಧ್ಯವೇ ಇಲ್ಲ

(ಕನ್ನಡಪ್ರಭ ಇನ್‍ಆರ್‌ಐ ಆವೃತ್ತಿ 15/03/2021 ರಂದು ಪ್ರಕಟಿತ)