ಅಮ್ಮ

ಯಾರು ನನ್ನ ಹೊತ್ತು ಹೆತ್ತು 

ಹಾಲು ಕುಡಿಸಿ ನಕ್ಕಳೋ
ನಿದ್ದೆಯಲ್ಲು ಮುದ್ದು ಮಾಡಿ 

ಜೋ ಜೋ ಲಾಲಿ ಅಂದಳೋ 
ಅವಳೇ ಅಮ್ಮ  

ಕೆಮ್ಮು ಜ್ವರವು  ಶೀತ ಕಫವು

ಹೊಟ್ಟೆನೋವು ಕಾಡಲು
ನಿದ್ದೆ ಬಿಟ್ಟು ಹಗಲು ರಾತ್ರಿ 

ನನ್ನ ನೋಡಿಕೊಂಡಳೋ
ಅವಳೇ ಅಮ್ಮ

ಯಾರು ನನ್ನ ತೊದಲುಮಾತು 

ಅರ್ಥಮಾಡಿಕೊಂಡಳೋ
ಅಳುವ ಅಳಿಸಿ ನಗುವ ಬರಿಸಿ 

ಕೈಯ ತುತ್ತ ಕೊಟ್ಟಳೋ
ಅವಳೇ ಅಮ್ಮ

ಅಮ್ಮನಂಥ ಗುಮ್ಮನಿಲ್ಲ 

ಅಮ್ಮನಂಥ ಗೆಳೆಯನಿಲ್ಲ
ಅಮ್ಮನಂಥ ದೇವರಿಲ್ಲ 

ದೇವರೂ ಹಾಗಂತಾನಲ್ಲ!
ಅಮ್ಮ ನನ್ನಮ್ಮ

Ann Taylor ಬರೆದ `My Mother` ಎನ್ನುವ ಕವನದ ಭಾವಾನುವಾದ ಮತ್ತು ಸ್ಪೂರ್ತಿ

ಈ ಕವನಕ್ಕೆ ರಾಗ ಸಂಯೋಜಿಸಿ ಅಮಿತಾ ರವಿಕಿರಣ್ ಅವರು ಹಾಡಿದ್ದಾರೆ: